Nimina Assembly session-ah Mizoram sorkarin mau/ rua kaihhnawihah cheng nuai 2,359.46 a sên tawh thu leh sum awm dan azirin mau/ raw ṭiak sorkarin a lei zel tur thu tarlan a ni.

INC member Zodin­tluanga, ZPM member pahnih Vanlalhlana leh VL Zaithanzama te zawhna Horticulture changtu chief minister Zoramthanga'n a chhàn danin, kum 2019 hnu lamah mau/ rua chi leina atan cheng nuai 567.76 sên a ni tawh a, mau/rua chíngtute hnenah ṭanpuina cheng nuai 1,792 pek a ni tawh bawk a, belh khawmin cheng nuai 2,359.46 a tling.

Raw ṭiak ṭum thum supply a ni tawh a, mi paliin pein, an pek tawh zawng zawng belh khawm chu ṭiak 8,49,425 a ni. Kum 2021-22 chhung bikah mau/ raw ṭiak 2,50,425 sorkarin a lei tawh.

Mau/raw ṭiak lei zel tumna a awm leh awm loh zawhna chhangin Chief Minister chuan, "Sum awm dan azirin sorkarin lei zel a tum," tiin a chháng a ni.