Dâwt sawi bànsan turin minister chah

ZPM Ṭhalai chuan thuchhuah siamin, minister of state Robert Romawia Royte chu Aizawl South-I bial mipui hmusitah an puh a, dâwt sawi bànsan turin

an chah.

September 7, 2022-a Assembly session-ah Aizawl South-I bialtu MLA C Lalsawivunga zawhna Robert Romawia'n a chhannaah, Aizawl South-I huam chhunga AMC leh local council inthlan laia a tiamte tihhlawhtlin a la neih loh thu a hriat theih tih tarlangin ZPM ṭhalaite chuan, "Hei hian Pu Robert Romawia chu South-I bial mipui hmusittu a ni tih a tarlang chiang hle," an ti.

ZPM Ṭhalai chuan, September 7 vêka Bethlehem Vengthlang YMA Hall-a Aizawl South-I Block MNF-in lawm luhna inkhawm an buatsaihah Robert Romawia chuan, Rajiv Nagar-ah Lalduhoma'n mi 40 chuang a lawm lut ang leh VC by-election-ah vote 6 chauh hmu angin a sawi tih an tarlang a; Rajiv Nagar-ah ZPM-in lawm luh an nei lo tih sawiin, Robert Romawia'n dâwt sawi phût zuk a nei lo chu pawi an tih thu an tarlang bawk.