Chhiatna thleng mek leh thleng thei hmachhawn tura inpuahchah dan sawiho

Lunglei High Powered Committee (HPC) vice chairman Lawmawma To­chhawng, MLA hoin July 15, Thawh-

ṭanni tlai khan a pisaah sor­kar department hrang hrang hotute'n tun hnaia ruah­sûr leh thli tleh vanga Lunglei district hmun hrang hranga chhiatna thleng leh chhiatna thleng thei hmachhawn tura inpuahchah dan tur an sawiho.

Lawmawma Tochhawng chuan, tun hnaia fûr ruahsur leh thli tleh nasa lutuk avangin Mizoram hmun hrang hrangah chhiatna a thleng mek chu pawi a tih thu sawiin, "Ṭanpui ngaite leh chhanchhuah ngaite pui turin sorkarin nasa takin hma a la mek zel a ni. Sorkar, tlawmngai pawl leh khawtlang hruaitute ṭangkawpin chhan­chhuah leh chhawmdawl hna ṭha takin an kalpui a, a lawmawm hle," a ti a; mipuite innghahna an ni tih hre chunga thawhhona ṭha tak nen chhawmdawl hna chak taka thawk turin officer kalkhawmte a chah.

Sorkar department hrang hrang aiawhte'n anmahni zâwn ṭheuha an hmalaknate an sawifiah a; tui dinhmun, kawng, ei leh bar, diesel leh petrol, dan leh thupek kenkawh, silpauline din­hmunte an sawiho a ni. 

Lungleia DCSO (Civil Supplies officer) Caroline Lalbiak­tluangi Khiangte chuan, fûr ruahtui tla vanga thingtlang hmun kilkhawr tak takte buhfai nghei loa an awmna tura ruahman 'monsoon stock' chu an district chhunga supply centre 15-ah sem chhuah hman vek a nih thu a sawi a, "Ei leh barah harsatna a awm loh kan beisei," a ti.

Lunglei SDO (Sadar) Lalnundika chuan, silpauline an chah belh thu a sawi a; PWD hotute chuan Lunglei leh Tlabung inkara leimin nasa tak thian turin JCB pahnih an dah mek thu leh harsatna dang a awm loh chuan tun karah kawng a tlang hman an beisei thu an sawi.

Meeting-a tarlan danin, Lunglei district chhungah chhiatna eng emaw zat a thleng a; Khawthlangtuipui lian vang­in chhungkaw 700 (mi 3,512) velin an chenna in an chhuahsan a, chu'ngte chu relief camp 12-ah sem darh an ni. Hnahthialah chhungkaw panga an chenna in 

aṭangin an inthiar chhuak tawh a, Lunglei College Vengah in pasarih 

aṭangin chhungkaw 12 an inthiar chhuak tawh bawk.



Share this Post

Login to comment
No Comments