Vanglaini - Ramchhung

KHAWTHLIR

Thisen pe

Pachhunga University College NSS unit chuan nimin khan an college-ah blood donation camp an huaihawt a, Aizawl Civil Hospital tan thisen unit 244 an pe a, a petute mipa 169 leh hmeichhia 75 an ni. PUC hian academic session kal mekah, a hmaa thisen unit 554 an lo pek tawh nen unit 798 an pe tling tawh a ni.

Mizo tawng Hlut turin ngen

MZP chuan thuchhuah siamin, Mizo ṭhalaite Mizo ṭawng hman dik kawngah an inthlahdah lutuk nia an hriat thu leh hnam ṭawng hlutna a tlahniam nia an hriat thu an tarlang a, "Lehkhabu chhiar kan peih ta mang lo hi kan hnam leh zirlaite tan kan nakin huna thil pawia thlen theih dawn avangin, MZP chuan kan hnam ṭawng kan hlut deuh deuh a, zirlaite'n zirlaibu bakah, lehkhabu dang chhiar uar turin Mizo ṭhalaite kan ngen a ni," an ti.

Police Meet khâr

Mizoram Police Sports Meet chu nimin khan Rajiv Gandhi Stadium-ah DGP Balaji Srivastava-a'n a khâr. Meet-ah hian gold medal 14 latu Red Group-pakhatna an ni. DGP chuan, Mizoram Police Sports & Cultural Control Board-in Sports Meet hlawhtling taka an buatsaih chu lawmawm a tih thu sawiin, "Mizoram Police unit hrang hrangte'n ni nga chhung inlungrual taka Sports Meet kan nei hi a lawmawm hle a ni," a ti.

Minister-in enfiah

Transport, Environment & Forest leh Law & Judicial minister TJ Lalnuntluanga chuan nimin khan Serchhipa a department enkawl hrang hrangte pisa a tlawh a, an dinhmunte a enfiah. Minister hi department hotute'n lo dawngsawngin, an mamawh leh harsatna an neihte an lo thlen a ni.

DAWNTISEI

There is no news for the requested day.

Sunday, 20th January 2019

There is no news for the requested day.