Vanglaini - Khawvel

KHAWTHLIR

MPF seminar

Mizoram People Forum (MPF) chuan Mizoram inthlanpui atana inbuatsaihna kal zelah vawiin hian Dawrpui Vengthar leh Hunthar Venga local forum-te leh Aizawl East-II Constituency forum te, Mamit leh Khawlailung area forum hrang hrangte seminar an neihpui dawn a; MPF leh political party thawhhona thuthlung an zirtir ang. Naktuk Pathianniah Mualpheng, Ruallung, Rulchawm, Keifang, Keifang Mélveng, Keifang Vengthar, Masihi Sangati, Police Veng kohhranahte political education campaign an nei dawn bawk.

Children room

Champhai District Court-a 'Children Room' siam thar chu nimin khan additional district & session judge R Vanlalena'n a hawng. R Vanlalena chuan, naupangte dikna chanvo humhalh chu tunlaia fashion thar ber a nih thu sawiin, "Naupangte venhim leh ṭha taka enkawl leh an dikna chanvo pek hi sorkar pawhin a tum tlat a ni," a ti.

Lawngtlai Jail enfiah

Lawngtlai district-a Juvenile Justice Board (JJB) member-te chuan thla thum dana an tih ṭhin angin nimin khan Lawngtlai District Jail an tlawh a, kumtlinglo táng an awm leh awm loh an enfiah. JJB kaltlang loa kum tling lote hrem an nih loh nan JJB chuan thla thum danah jail an endik ṭhin a ni.

Hnathawh sawiho

PWD hotute chuan nimin khan an hnathawh hrang hrang, hnathawh mek leh hmachhawp hrang hrangte PWD minister Lal Thanzara hoin CMO conference hall-ah an sawiho. Meeting-ah hian ṭan lak ngaihna lai te, hmalakna kal mekah te, thawh hmasak turte leh ngaih pawimawh zual tur an sawiho a, chak zawka hnathawh chhunzawm dan tur an rel a ni.

Sikul hawng

Saikhawthlir Secondary School chu September 20, Ningani khan bialtu MLA Lalrinmawia Ralte-in a hawng. Sikul hawn tak hi chhawng hnih niin, pindan pariat a awm a; a sak nan cheng nuai 86 hman a ni.

DAWNTISEI

There is no news for the requested day.

Sunday, 23rd September 2018

There is no news for the requested day.