Manipur Commission for Protection of Child Rights (MCPCR) chuan State Action Plan for the Protection of Internally Displaced Persons (IDP) naupangte venhimna tur draft chu state sorkar hnenah a theh lut. MCPCR chuan state-a hnam leh hnam inkara buaina chhuak vangin naupang 25,000 vel chu hmun dangah an insawn chhuak tih an tarlang.

State Action Plan draft hi ni khat awh tur, multi-stakeholder convergence meeting-cum-declaration-a IDP naupangte tana State Action Plan, "Protection Mechanism and Transitional Support for Internally Displaced Persons (IDP) Children" tih thupui hmanga Mini Secretariat Complex, Bishnupur conference hall-a neihah theh luh a ni.

Meeting hi Manipur Commission for Protection of Child Rights (MCPCR), New Life Foundation (NLF), Manipur, leh District Administration, Bishnupur-te ṭangkawpin an buatsaih a ni. MCPCR chairperson, Keisham Pradipkumar chuan kaihruaiin mi pawimawh eng emaw zat an tel bawk.

Meeting-a District Child Protection Unit (DCPU) leh stakeholder dangten achievement report an thehluhte, civil society organisation-te hnen aṭanga thil hmuhchhuahte, IDP naupangte venhimna tura State Action Plan tarlannate, Deputy Commissioner, Bishnupur inpeknate leh, MCPCR-in rawtna a neihte sawiho a ni.

Achievement report tarlan a nih rualin, district level officer-te chuan department kaihhnawih hrang hrang kaltlanga IDP naupangte venhim leh hamṭhatna tura district thuneitute hmalakna tarlan a ni. Chung zingah chuan District Social Welfare Office scheme hnuaia naupang hamṭhatna programme, Zonal Education Office (ZEO) aṭanga zirna lama ṭanpuina, Public Health Engineering Department (PHED) in faina lama ṭanpuina, Chief Medical Officer hnen aṭanga medical leh healthcare service-te leh, district police-ten venhimna kawnga hmalakna an neihte a tel a ni.