Tuirial HEP-ah mi 618-in Zângnadawmna an la dawng lo

Tuirial Hydro Electric Power Project (HEP) siamnaa zângnadawmna dawng tura thlan tawh zinga mi 618 chuan zângnadawmna pakhat-mah an la dawng lo.

Land Revenue & Settlement (LRS) department aṭanga thu dawn danin, Tuirial HEP siam vanga zângna-dawmna dawng tur chu Award No. 2 of 1998-ah mi 33 thlan a ni a, sum an dawn zat chu cheng nuai 34.06 a ni. Award No. 4 of 2002-ah mi 352 thlan a ni a, 50% zel pekah sum pek zat chu cheng vbc. 40.22 a ni.

Zângnadawmna dawng tur hian Award No. 5 of 2002-ah mi 74 an awm a, Award No. 5 of 2003-ah mi 348 leh Award No 6. of 2003-ah mi 196 an awm bawk a; an zavai hian zângnadawmna an la dawng lo. Zângnadawmna la dawng lo zawng zawng chu mi 618 an ni.

Tuiral HEP zângna-dawmna pek chhung-changah Central Bureau of Investigation (CBI)-ah thubuai a awm mek a; chutih laiin, thubuaiah hian chargesheet siam a nih tawh leh la ni lohah Mizoram sorkarin a hriatpui lo.



Share this Post

Login to comment
No Comments