V/C-te thuneihna zau zawk Pek kan tum - LAD Minister

Local Administration depart-ment (LAD) minister K Lalrinliana chuan, village council (V/C) te hnenah thuneihna zau zawk pek tuma hma an lak mek thu Vanglaini palai zawhna chhangin a sawi.

K Lalrinliana chuan, thuneihna sem zâi chu sorkar policy SEDP thil tum zinga mi a nih thu sawiin, "V/C-te thuneihna zau zawk pe tur hian dan siamṭhat a ngai. Dan siam

ṭha tur hian Drafting Committee kan din a, Committee-ah hian kan department mi leh sate bakah, a kaihhnawih department aiawh leh Mizoram University-a mithiamte telh an ni," a ti.

Panchayati Raj leh V/C kal kawptir dan a awm leh awm loh zir chiang tur pawh an din thu sawiin LAD Minister chuan, "Study Group-te hian state ṭhenawmahte zir chian hna an thawk a, report an rawn thehlut tawh. Report Drafting Committee-ah thlirho leh a ni ang," a ti a; V/C-te thuneihna zau zawk pe tura ruahmanna an kalpui zel thu a sawi.

K Lalrinliana chuan, khaw tihlen tlakte chu tihlen a, khaw plan mumal siamsak ṭha a tih thu sawiin, "Khaw hmunhma ṭha leh rem, tui nei ṭhate chu mi pêm khawmna tlaka tihlen 

ṭha ka ti. Hemi chungchang hi sawiho chu a la ni lo," a ti.

LAD Minister chuan, dan loa khaw din a ni ṭhin chu ṭha lo a tih thu sawiin, "Dan loa khaw din hi khua leh tui ni lote pêm khawmna hmunte a ni duh. Tun hnai khan Tuichawngchhuah chu eviction order tihchhuah a ni a, a dangte pawh ngaihtuah zel a ni ang," a ti a; dan loa khaw dinte chungchang chu district steering committee-in an zir chian ṭhin thu a sawi.



Share this Post

Login to comment
No Comments