Intlân chhâwk dan pangngaia kal rih tur

Aizawl Traffic SP chuan hriattirna tichhuakin, Aizawl khawpuia lirthei intlân chhâwk dan tur thar chu hman theih a la nih loh avangin, intlan chhâwk dan hlui zawk (hman mek) chu hman chhunzawm zel tur a nih thu a tarlang. 

Traffic SP tarlan danin, tuna lirthei intlan chhâwk dan hman mek hi November 2017-ah hman ṭan a ni a, chuta tan chuan October 27, 2017-ah hriattirna chhuah a ni.

Tarlan tawh angin lirthei intlan chhawkna dan thar hi June 1, 2019 aṭanga hman ṭan a, thla khat chhung en chhin tura ruahman a ni. He dan thar hi Mizoram Bar Association-te chuan Gauhati High Court, Aizawl Bench-ah an khing a, court chuan thu leh awm hma chuan dan thar hi hman rih loh turin a stay a ni.



Share this Post

Login to comment
No Comments