NPP-in CEO-ah lehkha an thehlut

National Peoples' Party (NPP) chuan nimin khan inthlanna thianghlim leh felfai a awm theihna atana thil ṭul nia an hriatte Chief Electoral Officer (CEO) pisaah an thehlut a; CEO a awm loh avangin Joint CEO Zorammuana'n a lo dawnsak.

NPP chuan an leh­khaah hian, Mizoram inthlanpui lo awm tura sorkar laipuiin inthlanna hmunhma video recor­ding emaw, digital camera emaw, CCTV camera hmanga thlalak dah kim vek tura thupek a chhuah chu Mizoramah pawh tihhlawhtlin ngei ni se an duh thu an ziak a, "Hei hi inthlan muanawm leh thianghlim tak kan neih phah dawn a ni," an ti.

Zorammuana chuan, November 28, 2018-a Assembly inthlan turah NPP rawtna ang hian Elec­tion department chuan ruahmanna a siam thu a sawi a, "Video cove­rage felfai tak nei tura ruahmanna siam tawh a ni. Polling station tina CCTV dah chu sum din­hmunin a tlin lo," a ti a, strong room-te chu CCTV-a cover a, vil a nih thu a sawi.



Share this Post

Login to comment
No Comments