MZP-in MZU Southern Campus Bulṭanna hmun tur an tlawh

Lunglei MZP hruaitute chuan nimin khan Mizoram Engineering College, Pukpui a sak mek chu Mizoram University Southern Campus ṭanna tura sawi rik a awm avangin hman tlak a nih leh nih loh te bakah mamawh awm angte an endik.

Lunglei MZP chuan MZU Southern Campus din phalna a awm ta chu lawmawm an tih thu thuchhuah siam a tarlangin, "Academic session thar July, 2020-ah class ṭan hman ngei nise ṭha kan ti. MZU Southern Campus atana building leh a ṭul dang mamawhte chu neih mai theih a la nih loh avangin thuneitute'n Mizoram Engineering College-ah hian class ṭan mai nise an ti hi ṭha kan ti hle," an ti.

Mizoram Engineering College chu class ṭan lailawk na atan ṭha Lunglei MZP chuan an ti a, a building te pawh hi zirlaiten an luah luha class an ṭan theihna tura ṭha tawkah an ngai. 

Mizoram Engineering College bak hi Mizoram University Class ṭanna tur hmun dang a awm chuan loh avangin class ṭan thuai a nih theih nan a tlawh pawhna tur kawng (approach road) te, kawlphetha (electricty) leh tui (water supply) te chu helai hmun hman a nih theihna atana mamawh a la nih angin Mizoram sorkar chu a rang lama hma la turin a ngen nawn leh a ni.



Share this Post

Login to comment
No Comments