The Lion King world premiere-ah Beyoncé a inlan

Beyonce leh a fanu Blue Ivy-te chu California-a The Lion King premiere-na, Dolby Theatre, Hollywood hmun-ah red carpet zawhin an in lan.

American musical drama film, The Lion King-ah hian Beyonce hi Nala aw (voice)-ah 

ṭangin hneh takin he film tan hian a aw mawi tak a thawh. July 9 khan he film hi release a ni a, July ni 19 aṭangin USA-a Theatre hrang hrangah chhuah a ni ang. 

Walt Disney Feature Animation produce The Lion King Animated film hi kum 1994 khan a vawikhat nan chhuah a ni. September 28, 2016 khan Walt Disney Pictures chuan thuthlukna siamin Jon Favreau chu director ni turin leh 1994 animated film The Lion King zulzuia film thar siam chhuak turin hma an la a ni.

Film premiere-ah hian milar dang eng emaw zat an inlan a- comedian Tiffany Haddish, Chance the Rapper, Jamie Foxx, Tracy Morgan, Meghan Trainor, actress Raven-Symon, LeAnn Rimes leh actor Eddie Cibrian-te pawh an inlan.



Share this Post

Login to comment
No Comments