One in Christ Music Video thar 'Ka lawm e Lalpa'

One in Christ chuan August thla hian album tihchhuah an tum a, he an album tihchhuah tur hmahruaitu atan hian Music Video thar 'Ka lawm e Lalpa' tih chu nimin khan an tlangzarh.

'Ka lawm e Lalpa' tih hi an album thar tur 'Kei kher maw Lalpa?' tih ami tur a ni a, zanin hian an YouTube channel-ah en theihin an dah chhuak dawn.

He hla hi kum 2013 leh 2016 khan music video, a hran ve vein an lo tichhuak tawh bawk a, tun ṭum hi he hla music video an siam pathumna tur a ni. Mahse tun ṭumah hi chuan kum 2011 leh 2019 inkara One in Christ member lo ni tawh zawng zawngte huapin video hi an siam a ni. Member lo ni tawh zawng zawng erawh an tel kim thei lo deuh a, mahse a tam ber chu an tel tho thung.

'Ka lawm e Lalpa' tih hla hi One in Christ puipa ber ni mek, Alvin-a leh Maria-i ten kum 2013-a an lehlin tawh kha a ni.

Video hi Siama (Hebron Pictures) kutchhuak a ni a, music track hi Andrew Van­chhawng siam niin, Studio A-16-ah recording hi an ti a ni.



Share this Post

Login to comment
No Comments