Dua Lipa-i'n album buaipui leh mek

'One Kiss' singer Dua Lipa chuan a album pahnihna tur a buaipui leh mek. 

English singer Dua Lipa hian hemi chungchang hi Rolling Stone magazine-in an kawm ṭumin a sawi chhuak a, fan te tan chuan thu lawmawm tak a ni ngei ang. Lipa chuan, "Kum tir aṭang khan ka buaipui ṭan tawh a, hma ka sawn ve zel a ni. Mark Ronson leh Diplo te pawh thawhpui an nuam hle a ni," tiin thawhpui a neih chungchang pawh a sawi lang. Lipa hian Spice Girls leh Pussycat Dolls te a ngaihsan ṭhin thu a sawi chhuak bawk. 

Kum 22 mi Dua Lipa hian nikum khan a studio album hmasa ber 'Dua Lipa' chu a lo tichhuak tawh a ni. 



Share this Post

Login to comment
No Comments