The Voice winner Todd Tilghman

American reality television show, The Voice season 18 hman zawk takah khan kum 42 mi Todd Tilghman chu winner-a puan a ni.

Todd Tilghman hi judge Black Shelton-a team a ni a, Black hian The Voice-ah hian a team vawi sarih a champion puina chiah a ni. The Voice season 18-ah hian Todd Tilghman hi audition ti hmasa ber a ni a, a hmawr bawktu a ni bawk. 

Kum dang ang bawkin Amer­cian television network  National Broadcasting Company (NBC) chuan The Voice hi live-in a pe chhuak a, Covid-19 vangin online-in intihsiakna hi neih a ni. Todd hi The Voice winner zingah a la upa ber.

Nick Jonas chuan kumin hian judge ni ṭhin Gwen Stefani a thlak a, ani bakah hian Kelly Clarkson, John Legend leh Blake Shelton-te chuan an endik a ni. Runner up-ah chu Thunderstorm Artis (Team Nick) leh Toneisha Harris (Team Blake) an ni a, CammWess (Team Legend) chu palina niin, pangana chu Micah Iverson (Team Kelly) a ni thung.



Share this Post

Login to comment
No Comments