It: Chapter Two a hrang nasa

Box Office-ah American supernatural horror film It: Chapter Two-in ro a rel a, Angel has Fallen chu pahnih­naah tla thlain Good Boys pathumnaah a awm ve tawh thung a ni.

It: Chapter Two 

2017-a tihchhuah It chhunzawmna, It: Chapter Two hi Zirtawpni liam ta khan US-ah tlangzarh a ni a, a hit nghal hle. Theatre 4,570-ah chhuah niin $91,062,152 zet a lalut nghal. 

It hmasa kha 1988/89 vel thil thleng anga chan a ni a, "Pennywise the Dancing Clown" kha nasa takin a hrang a nih kha. It: Chapter Two hi kum 27 liam hnu, 2016 vela thil thleng anga chan a ni thung. Pennywise a rawn kir leh a, It hmasaa naupang ho kha an puitling tawh a, an khaw hlui Derry-ah let lehin Pennywise leh a ṭhuihruaiten an lo hrankhum leh dawn a ni. It hmasa hmuhnawm ti tan chuan a en tlak viau ang.

A film hmasa ang tho in 1986 novel, Stephen King-a ziah behchhana siam a ni leh bawk. Andy Muschietti chu director niin, starring pawh an hrawl hle. Jessica Chastain leh James McAvoy-te an inlan bakah Pennywise lemah hian Swedish actor Bill Skarsgård bawk a chang leh a ni.

It: Chapter Two leh Angel has Fallen a inthlau

Chart-a pahnihna Angel has Fallen hian $5,990,157 a lakluh laiin pakhatna It: Chapter Two hian $mtd 9 chuang fe a lalut a, an inthlauhna a tam hle. Angel has Fallen hi kar hnih lai chart-ah pakhatna ni tawh mah se It: Chapter Two-in kartawp vawikhata a lakluh hian a sum lakluh tawh zawng zawng chu nasa takin a rawn khum a, hei hian It chungnung zia a tarlang. Angel has Fallen hian $53,450,658 a lalut tawh a, hei hi It film thar hian a rawn khum hneh hle.

Pathumnaah hian comedy film Good Boys chu a awm a, Good Boys hian entute nuih a la tiza reng tih a hriat. Tun kartawp liam ta pawh khan North Amercia-a theatre 3,193-ah zet an la chhuah a ni.

The Lion King (2019) chu pathumnaah la lang phakin Fast & Furious Presents: Hobbs & Shaw chu sum lalut tam pangana a la ni phak bawk.

Film hit thar a tam lo

It: Chapter Two a hit viau lai hian Box Office chart-ah film rawn hit thar dang a awm em em lo thung. Top 10 chinah phei chuan It: Chapter Two tih loh hi chu film thar lang phak a awm lo.

Top 20-ah Chhichhore a lang phak bawk a, Top 100-ah pawh film thar pariat chiah an lang phak a ni.



Share this Post

Login to comment
No Comments