Mumbai-ah Kum 100 chuanga upa building a chim

Mumbai khawpuia Dongri area-ah nimin khan kum 100 chunga upa building a chim a, mi pahnih an thi.

Tandel Street-a buil­ding chimah hian mi pariat an hliam bawk a, mi 40 chuang chu an la tang tih official-te chuan an sawi.

Mita hmutu pakhat chuan lirnghing ang mai a ni, a ti a, fire brigade, Mumbai Police, National Disaster Response Force (NDRF) leh civic body official-te chu a hmunah hian kalin chhawmdawl leh ṭanpui hna an thawk nghal. 

Helai hmun hi a chep em avangin chhawmdawl hnathawh pawh hi a harsa hle a, Ambulance pawh metre 50 vela hlaah park a ngai hial a ni.

He building chim hi Maharashtra Housing and Area Development Authority (MHADA) ta a ni a, ground floor bakah chhawng thuma sang a ni. 



Share this Post

Login to comment
No Comments