Indian Railway-in anmahni pual 'commando' unit nei dawn

Indian Railway chuan anmahni pual commando unit 'Commandos for Railway Safety (CORAS)' an nei dawn.

CORAS-ah hian Railway Protection Force (RPF) leh Railway Protection Spe­cial Force (RPSF)-te an tel ang. Hemi chung­chang hi Railway ministry chuan an tarlang a, commando-te hian India ram khawthlang lam, Maharashtra telin an veng uluk zual bik dawn tih an sawi. 

Ministry chuan zone 18-ah thupek tichhuakin, zonal railway zawng zawng apex body- Railway Board chuan venhimna kalpuitu tur CORAS hi din turin a ko a ni.

CORAS-te hian ramchhung hmun kuaah training an nei dawn a, advanced commando course training-te an nei dawn a ni. Hostage rescue bakah sniping, breaching, handling landmines leh improvised explosive device super specialisation-te chu an training-ah a tel ang. 

Railway Board chuan railway system-ah extremist-te leh firfiaka chetna a pun zel thu an tarlang bawk a, hemi a nih avang hian RPF-te pawh an inpeih reng tih an tarlang a ni. 

CORAS hian uniform bik an nei dawn a, RPF director general kaihhruaina hnuaiah an awm ang. Bullet-proof jacket leh helmet-te nen an inthuam dawn a, beihpui an thlakna tur hmun erawh RPF nen inrawnin an siam dawn thung. 



Share this Post

Login to comment
No Comments