Journalist Kanojia chhuah turin SC-in UP sorkar hriattir

Supreme Court (SC) chuan Uttar Pradesh sorkar chu hriattirna pein, journalist Prashant Kanojia chu chhuah turin leh eng vanga man nge a nih insawifiah turin a ti. 

Freelance journalist Prashant Kanojia hi Twitter leh Facebook-ah UP Chief Minister Yogi Adityanath chungchang a post avangin kar kal ta Inrinni khan police-te'n an man a, bail a dilna pawh pawmsak a ni lo. Hemi chungchangah hian nimin khan SC chuan UP sorkar chu hriattirna pein, rang taka chhuah turin a ti. Evanga Kanojia chu eng vanga man ringawt nge an ni tih a zawt bawk. 

Hemi chungchangah hian Kanojia-a nupui Jagisha Arora chu Supreme Court-ah a zualko a, a chungchang hi Justices Indira Banerjee leh Ajay Rastogi-te chuan ngaihtuahin, Kanojia man a nih dan chu dan kalh a ni, tiin an sawi. 

Kanojia hi CM Yogi Adityanath tih hmingchhiat tuma cheah puh a ni a, a lakah hian Hazratganj police station-ah thubuai ziahluh a ni. Mahse hei hi SC chuan dan kalh a nih thu a sawi ve thung a, rang taka chhuah turin UP sorkar a hriattir a ni.



Share this Post

Login to comment
No Comments