US-Taliban ten inremna siam loin inbiakna titawp

United States leh Afghanistan-a Taliban pawlten inremna kawng zawnga hun eng emaw chen inbiakna an neih chu nimin khan inremna mumal siam thei loin tihtawp a ni. 

Nikum aṭang khan Qatar-ah US-Taliban inbiakna neih a ni. He inbiakna aṭang hian Afghanistan aṭangin US sipaite lakchhuah an nih theih dan leh, Taliban-ten Afghanistan ram leilung chu pawi­khawihna thlenna atana hman an chhunzawm tawh lohna tura inremna hi an siam theih beisei a nih laiin, inremna siam thei loin an titawp a ni. 

Mahse US chuan Afghanistan sorkar leh Taliban-ten thuneihna an insem dan tur leh, inkahhai puan a nih theihna turin Taliban chu inremna siampui tura nawr zel a tum. 

Taliban thupuangtu Zabihullah Mujahid chuan ṭum riat inbiakna an nei hnuah nimin khan tihtawp a ni a, inremna siam beisei takin awm mah se a siam theih ta lo a ni, a ti. 



Share this Post

Login to comment
No Comments