Hong Kong-ah buaina chhuak leh Airport in flight an cancel

Hong Kong buaina chuan ziaawm lam a pan thei lo a, Pathianni zanah pawh khan Tai Koo railway station-ah nawrh huaihawtte leh police-te innawrbuaiin, police-te hian tear gas-te an hmang.

He buaina chhuah lai video hi social media lamah a darh zui a, police officer-ten silai (non-letal) an hmetpuak laite pawh hmuh tur a awm. Escalator-ah mi eng emaw zat kut an thlak lai hmuh turte pawh a awm bawk.

Hetihlai hian Wan Chai dis­trict-ah chuan nawrh huaihawtte hian petrol bomb leh brick hmangtein police-te hi an bei let ve bawk a, mi eng emaw zatin hliam an tuar a ni. Hliam tuar zingah hian police officer-te an tel.

Hong Kong sorkar laka lungawi lohna lantira nawrh huaihawt hian ziaawm lam a pan thei lo a, thla hnih dawn an buai tawh a ni.

Airport-ah pawh nawrh hi an huaihawt a, hemi a nih avang hian Hong Kong airport chuan flight an cancel. Airport-ah hian ni li chhung vel chu nawrh huaihawt a ni tawh. 



Share this Post

Login to comment
No Comments