US-a Britain palai a bang

United States (US)-a British ambassador Kim Darroch chu America president Donald Trump sorkar mumal loh thu ziahna memo spat Washington aṭanga London a e-mail hmanga a thawn put ruk vangin a bang. Nilaini khan Kim hi a bang a, a memo ziahah hian Trump-a sorkar inrelbawlna mumal lohzia leh awmze nei lo a nih ziate a ziak.

He memo ti putru tu hi hriat a ni lo a, chhui mek a nih thu an sawi. Thawhṭanni khan President Trump chuan US leh Kim te chuan thawhhona an neih theih tawh loh thu a sawi a, a sorkar inrelbawl dan mawi lo taka a sawi avangin Kim chu 'mimawl tak a ni' tiin a sawi bawk 

British prime minister The­resa May chuan Kim-a'n he thil thleng vanga a hna thawk zawm duh loa banna a thehlut chu pawi a tih thu a sawi. Foreign and Commonwealth Office and Head of the Diplomatic Service-a Permanent Under-Secretary Simon McDonald chuan Kim banna hi a pawmsak tawh a ni. 

PM May-i thlaktu tur, Tory hruaitu thlanna tura candidate Boris Johnson erawh chu Kim thlavang a hauh nat loh vangin sawiselna a dawng nasa hle. Leadership candidate tho Jeremy Hunt-a'n Johnson chu prime minister a nih chuan Kim chu a nihnaah a dah let leh angem tia a zawhna chu Johnson hian a chhang lo a ni. 



Share this Post

Login to comment
No Comments