Greek PM-in parliament ṭhiat turin President ngen

Greek Prime Minister Alexis Tsipras chuan an ram khawpui Athens-ah Thawhṭanni khan President Prokopis Pavlopoulos chu hmuin parliament ṭhiat a, a hun hmaa inthlanpui buatsaih turin a ngen.

Prime Minister chhuak tawh tur Alexis Tsipras hian May 26-a neih, European parlia­ment election leh tualchhung inthlan result avangin hetianga hma la tur hian President hi a ngen tih a sawi. Heng inthlan pahnihah hian Alexis Tsipras-a party, Radical Left SYRIZA chu eptu pawl conservative pary lakah chiang takin an chak lo a ni.

Sorkar term hi October thlaah hian a zo tawh dawn a, mahse tunhnaia inthlan an hmachhawnah an party an chet ṭhat loh avangin Tsipras chuan inthlan hun sawn hma hi a rawt ta a ni.

President pawh hian Tsipras ngenna hi a pawm nia sawi a ni a, Greek ram danpui tlawh chhana an ram parliament ṭhiah a nih theih dante pawh a sawi lang tih an tarlang.

Greek parliament hi July 7 hian ṭhiah a nih beisei a ni a, hemi hnu hian inthlan an buatsaih chhunzawm ang. 



Share this Post

Login to comment
No Comments