Afghanistan-a Sikh inkhawmna hmun bei

Afghanistan khawpui, Kabula-a Sikh inkhawmna hmkun chu nimin zing, an ram huna zing dar 7:45 khan silai keng leh thihchilh bomb tipuaktuten an bei tih Afghanistan Ministry of Interior thupuangtu Tariq Arian chuan a sawi. 

Old Kabul-a Shorbazar area-a Gurudwara an beih lai hian a chhungah mi 150 vel an awm a, pawikhawihna thlengah hian mi pali a thi a, mi dang eng emaw zatin hliam an tuar bawk. 

Afghanistan security force-te chuan pawikhawihtute hi bei zui nghal­in, pawikhawihtu zinga mi pahnih an kaphlum, Security force-te hianbuilding awmte chhanchhuah hna hi an thawk zui nghal bawk. 

Islamic State (IS) firfiak pawl chuan he thil thleng hi an tih a nih thu an tarlang. Afghanistan-a firfiak pawl, Taliban chuan inhnamhnawihna an nei ve lo tih an sawi nghal bawk. 

Ministry of Interior chuan security force ten Gurdwara building chhawng hmasa ber an luhchhuah theih hnuah, a chhawng dangte pawh an neih chhuh thei bawk a ni. He thil thlenga inhliam zinga damdawi-ina dah mek Mohan Singh chuan "Kan inkhawm laiin pawn aṭanga silai kap ri kan hria a, a hnuah grenade bomb puak ang ring tak kan hre leh a, kan awmna inchunga kan thil tarte pawh a rawn tla bawk. He thil tla avang hian ka inhliam phah ta a ni," a ti. 

Tun thla tir khan ISIL-te hian Kabul-a Shia Muslim-te chuan an lo bei tawh a, ka thil thlengah khan mi 32 an thi. Afghanistan-ah hian Sikh-te hi enhran an tawk nasa nia sawi a ni a, hei vang hian India-ah tawm him tumin an lo lut fo ṭhin a ni.



Share this Post

Login to comment
No Comments