Turkey-Syria ramri aṭangin Kurdish-te inlachhuak dawn

Syrian Kurdish senior official, Redur Khalil chuan US-brokered deal angin Turkey-Syria ramri aṭangin an inlachhuak dawn tih a sawi.

Syria hmarchhak lam khua aṭanga Turkey-in a sipaite lakchhuah a phal hnuah hei hi a sawi a ni. 

Kurdish kaihhruai Syrian Demo­cratic Forces (SDF) official chuan nimin aṭang khan an inlachhuak nghal dawn tih a sawi a, hei hi thudang a awm leh hman a nih loh chuan an kalpui ngei rin a ni bawk.

SDF hnuaiah Kurdish People's Protection Units (YPG) eng emaw zat, Ankar-ten firfiak nena inzawmna nei nia an ngaihte chu an tel a ni. Turkish president Recep Tayyip Erdogan leh US vice president Mike Pence-ten inbiakna an neih hnua ni nga chhung inkahhai an puan hnuah khan ramria buaina hi a ziaawm sawt hle.

He inremna hnuaiah hian Turkey chuan ramri aṭang hian darkar 120 chhunga Kurdish inlakchhuahna hun pek a remti a ni. SDF official chuan km 30 chinah an inhnuk let dawn tih a sawi.



Share this Post

Login to comment
No Comments