UK Parliament suspend ṭan

UK Parliament chu an ram huna nimin chawhnu khan suspend ṭan a ni a, October 14-ah hawn leh a ni chauh ang.

Parliament suspend a nih hma hian prime minister Boris Johnson chuan inthlan sawn hma a rawt leh a, mahse hei hi MP-te chuan an hnawl sak a ni. Eptu party lam chuan a hmain October-a inthlanna neih chu an thlawp dawn lo tih an lo sawi tawh a,  no-deal Brexit danna tur dan siam hmasak phawt an phut.

UK hian Brexit Deal hi puitlin lo mah se October 31 hi chuan European Union aṭanga inlakchhuah tho an tum a ni. Hetihlai hian Thawhṭanni khan dan thar, lalin a pawmpui a awm a, hemi hnuaiah hian October 19-a MP-ten No-deal Brexit emaw deal Brexit emaw an pawm theih loh chuan  PM chu EU aṭanga inlachhuak tur hian nakkum January 31 thleng hun pawhsei luih tir theih a ni ang.



Share this Post

Login to comment
No Comments