Cuba-ah anti-Trump signature drive kalpui

Cuba sorkar chuan Thawhṭanni aṭang khan Venezuelan president Nicolas Maduro leh a kaihhruai party thlawpna lantirna atan anti-Trump signature drive an kalpui.

Tunkar chhunga sig­na­­ture an lakkhawm hi Venezuala-in signature a lo lakkhawm tawh nen belhkhawm a ni dawn a, hei hi 'No More Trump' campaign awareness-in nghawng lian zawk a neihna tura tih a ni. Washington-in South America ramte a hrekna duh lohna lantirna a ni bawk.

Cuba president Mi­guel Diaz-Canel chuan a twitter-ah Venezuala laka dik lo taka chetna tihtawp a nihna tur signature drive chu Cuban mite chuan an zawm ve dawn tih a sawi a ni.

Venezuala-ah hian Trump duh lohna hming sign hi mi maktaduai 10 vel an awm a, hei hi United Nations secretary general Antonio Gutterres hnenah an pe dawn a ni.

US hian Venezuala-a eptu pawl Juan Guaidó kaihhruaite chu a thlawp a, US mai bakah hian ram dang eng emaw zatin Juan Guaidó hi an thlawp thu an tarlang tawh thung. 



Share this Post

Login to comment
No Comments