Foxes leh Wolves inkhelah VAR a langsar

King Power Stadium-ah Leicester City leh Wolverhampton Wanderers te goal awm loin an inhnehtawk.

Minute 51-naah Wolves midfielder Joao Moutinho corner pet chu an tauh fuh hnuah Willy Boly perin hemi per nang fuhtu Leander Dendoncker chuan kawh zetin a volley lut. 

Amaherawhchu VAR hmanga endik a ni a, minute khat leh second 38 hnuah referee Andre Marriner chuan goal-a pawm a nih loh thu a tichiang. Wolves ṭantute goal lawma an au thawm a reh hnu lawkah a goal loh avangin Foxes ṭantute an lawm ve thung.

Wolves manager Nuno Espirito Santo chuan, "Ka hlauhthawn lai chu VAR hian football boruak a tichhia. Fan-te hi goal lawm turin an kal a, goal lo lawm tura kal khawm an ni lo. Leicester ṭantute kha a goal loh avangin an lawm a, football kalphung a ni lo," tiin VAR hman ṭha a tih loh thu a 

sawi lang.

Premier League-in goal-a pawm a nih loh chhan twitter kaltlangin an sawifiah. "Goal khung emaw goal khung tur siam nana kut hman a nih chuan tihpalh thil thua hman a nih pawhin pawm tur a ni lo," tih dan chu kumin aṭanga hman a nih thu an ziak.

Dendoncker-a'n hun 

ṭha a neih theih nan Wolves defender kut a per a, hei vang hian goal-ah pawm a ni lo. Wolves leh Foxes inkhelah hian goal lut lo mah se inkhel erawh a nung ṭha a, team pahnih hi top 10 china awm inbeisei pha ve ve an nih avangin an tawh pawh a khirh khawp ang.

Wolves hi Ningani zan hian Europa League qualifier-ah Pyunik nen an mual Molineux Stadium-ah an inhmachhawn ang. Nuno hote hi first leg-ah 4-0 in an chak tawh a, August 20, Thawh-

ṭanni zanah Manchester United an mikhual 

lehnghal ang.



Share this Post

Login to comment
No Comments