Matthijs de Ligt-a'n Turin a pan

Ajax captain Matthijs de Ligt chuan Juventus nena inremna siam turin nimin khan Turin khawpui a pan a, he thuziak i chhiar meuh chuan Italian club hian an lalut fel tawh hial 

mai thei. 

Kum 19 mi defender man hi pound maktaduai 67.5 ni tura ngaih a ni a, a man zatah hian Ajax leh Juventus hi an inrem tawh - March 2018 khan Ajax captain a ni a, an club captain naupang ber dinhmun a luah. 

Netherlands centre-back hi Manchester United, Barcelona leh Paris-St Germain nen pawh sawi zawm a ni a, mahse Cristiano Ronaldo awmna Juve pan a thlang ta zawk. 

Kum kua mi lek nia Ajax zawmtu hian senior team tana season thum a khelh chhungin Eredivisie leh Dutch Cup a champion a, nomawi hi season hmasaa a chawi ve ve a ni. 

Kum 2017 khan Europa League final an khel a, season hmasa khan Champions League semifinal an lut bawk - quarterfinal-a Juventus an hnehna goal kha De Ligt khung a ni. 



Share this Post

Login to comment
No Comments