Vertonghen-a'n Kane hahdam turin a chah

Tottenham Hotspurs defender Jan Vertonghen chuan a teammate Harry Kane chu season zawha England U21-in European Championships an khelh huna telve lo turin a ngen. www.vanglaini.org

Vertonghen chuan, "Thutlukna siam chu a harsa ang. Player ṭha tak a nih avangin an player pawimawh ber tur a ni a, mahse season thara ṭha taka khel turin chawlh a mamawh a ni. Thutlukna hi ama siam tur a ni a, player chuan match zawng zawng khelh kan duh a, fimkhur erawh a ngai thung," tiin a sawi.

Belgium defender chuan sawi chhunzawmin, "Kum 2007-a inelna ka khelh ṭum nen kha chuan khaikhin chi a ni lo. Player angin hma ka sawn em tih chu sawi thiam a har khawp mai. Holland-ah ram tana ka game hmasa ber ka khel a, Ajax tana ka khelh lai a ni khan a nawmna belhchhah bawk," tiin a hun tawn tawh a thlir kir.

England U21 boss hlui Stuart Pearce erawhin Kane hi khel ngei turin a duh thung. European Championship hi Czech Republic-ah June thla aṭanga khelh ṭan tur a ni.


Share this Post

Login to comment
No Comments