Van Gaal-a'n hlawhtling turin kum thum tal a mamawh - Keane

Manchester United captain hlui Roy Keane chuan club-in Premier League top four an tel phak lo a nih chuan chhiatna nasa tak chu a ni ngei ang a, chutihrualin Louis van Gaal-a'n team din ṭha tur chuan kum hnih aṭanga kum thum tal a mamawh tur thu a sawi.

Keane chuan, "Van Gaal hian Arsenal nena an result avang hian sawiseltu a nei dawn. Engtin pawhin sawisel se kum hnih aṭanga kum thum chu insiamṭhatna hun an pek ngei a ṭul," tiin hun www.vanglaini.org a mamawh tur thu a sawi.

United midfielder hlui chuan sawi chhunzawmin, "David Moyes khan hun tam zawk a mamawh a, an pe lo. Tun ṭumah hian engtin nge an tih dawn ka hre lo, ban leh theih dinhmunah a dinna lai pawh a awmin ka hria. A harsa lai ber chu club chhunga mi pawimawh leh player hlui te'n kum 10 liamtaa team nen an khaikhin a, chu chu a fuh lo a ni. Ka ngaihdan chuan Champions League khel pha turin an ṭha tawk a ni," tiin a sawi.

England striker hlui Alan Shearer chuan, "United pawisa hman dan thlirin season thara Champions League an khelh loh chuan a dik lo ang," tiin a sawi.

United player leh first team coach hlui Phil Neville chuan, "United an champion thei tawh lo. Tunah chuan palina ni pha turin an ngaihtuahna seng rawh se. Chutihrualin Chelsea, Manchester City leh Everton an hmachhawn dawn avangin an hmabak hi a awlsam lo," a ti.

England leh Arsenal striker hlui Ian Wright chuan, "Arsenal tan khan tih tur vak a tam lo. Manchester United khan chet dan tur an hre lo a ni ber. Arsenal kha an rin aia awlsamin an chak ka ring," tiin United khelh ṭhat tawk loh thu a sawi.


Share this Post

Login to comment
No Comments