Lakers an la thiam reng

NBA chu nimin zing aṭang khan khelh chhunzawm leh a ni a, champion tura rinkai Los Angeles Lakers chuan an elpui Los Angeles Clippers 101-103 a hnehin an thiam an la theihnghilh lo.

Team pahnih an inkhel tawk viau a, hun tawp dawn thlengin chak zawk tur a chiang lo. Lakers chuan second 12.8 chauh a awm tawh tihah basket rawn neiin a team a chakpui.

Lakers tan James leh Anthony Davis bawk an hmuhnawm. Davis-a'n court chhungah minute 35 hun a hman chhungin point 34 a nei hman a, rebound vawi riat a la bawk; James-a'n point 16 a nei ve thung a ni.

ESPN Wide World of Sports Complex-ah basketball inelna sang hi neih chhunzawm leh niin, playoff la khel thei chin chauh an inlan dawn. August 1, Inrinni hian inkhel pasarih a awm chhunzawm ang.



Share this Post

Login to comment
No Comments