India U19 an tlawm nghal

AFC Under 19 Championship 2020 qualifier-a an match hmasa berah India U19 an tlawm nghal a, nakkuma inelna thlengtu tur Uzbekistan lakah 2-0 in an chak lo. 

Uzbekistan tan hian Khoshimov Ulugbek leh Olimjonov Muzaffar te chuan goal khat ve ve an khung a, Blue Tigers rawlthar rualin a chhanletna tur an neih theih loh avangin an tlawm. 

Zanin dar 9:35-ah India hian an match hnihna an khel lehnghal dawn a, qualifying round thlengtu Saudi Arabia an hmachhawn ang - a harsa dawn. 

India U19 coach Floyd Pinto chuan, "Kan beisei result a ni lo a, mahse indawmkun turin hun kan nei lo. Insiamṭha turin theihtawp kan chhuah nghal a, kan naute hnehna chang turin an inpeih tawh a ni," a ti. 

Blue Tigers hi an tlawm nawn leh a nih chuan group tina hmahruaitu leh group 11 zinga pahnihna ti ṭha pali chauhin inelna an hmachhawn dawn avangin nakkuma Uzbekistan pan turin an dinhmun a chhe tawh khawp ang. 

India U19 squad-ah hian goalkeeper Lalbiakhlua Jongte leh midfielder Lalrampana Pautu te chu Mizo awm ve an ni a, Nilaini zan inkhelah bench-ah dah an ni thung. 



Share this Post

Login to comment
No Comments