Germany-in N. Ireland an hneh

Euro 2020 qualifier-ah Germany chuan 

Thawhṭanni zan khan Windsor Park-ah mualneitu Northern Ireland chu 2-0 in an hneh a, group C hmahruaitu an ni. Netherlands-in khualmualah Estonia 4-0 in an sawp a, pathumnaah awm rih mah se Die Mannschaft nen European Championship an khelh a rinawm hle.

Northern Ireland hian Germany an hmachhawn hma hian match liah chak vek mah se Joachim Low hote bakah Oranje an la hmachhawn lo. Windsor Park-ah NI hian bul ṭan ṭhain Toni Kroos tihsual vangin Conor Washington-a'n chance ṭha neiin keeper Manuel Neuer chauh a hmachhawn hnuah a khung lo.

Hearts striker Washington bawk hian Stuart Dallas cross Neuer-a dan ber chu goal-ah a chantir thei lo a, second half-ah Leeds United player Dallas-a'n goal khung theihna hun 

ṭha a hlah bawk.

Germany erawhin chance ṭha an khawh ral lo. RB Leipzig wing back Marcel Halstenberg-a'n minute 48-naah kawh zetin a volley lut a, injury time-ah Serge Gnabry-a'n chak nemnghehna goal 

a khung.

Ronald Koeman kaihhruai Netherlands tan Ryan Babel goal hnih bakah Memphis Depay leh Georginio Wijnaldum ten khung bawkin Estonia 4-0 in an sawp.

Euro Qualifier hi October thlatir lamah a awm leh dawn a, Germany (12 pts) hian beisei tur nei tawh lo Estonia (0 pt) leh Belarus (3 pts) te an la hmachhawn dawn. Match khata khel tlem Netherlands (9 pts)-in Northern Ireland (12 pts) leh Belarus te an khelhpui dawn a, Oranje leh NI inkhel tur hi a 

pawimawh ang.



Share this Post

Login to comment
No Comments