Juve-in Asia lam an thlir

Italian champions Juventus chuan Asia lama an inzarpharh theih dan tur ngaihtuah chungin Serie A lam thuneitute chu inkhelh hun tidanglam turin an ngen. 

Europe-a top club ni siin Juve hian season hmasa khan Premier League top six club aiin sum an lalut tlem a, a bik takin China chu an ṭhan zel theihna turin an beisei. 

Serie A hi Inrinni zanah khelh ṭan a ni dawn a, Beijing lamah chuan Serie A fixture ṭantir lam hi zanlaiah vek a chhuak dawn - Mizoramah pawh zan lam men thei deuh nih a ngai. 

Juventus chief revenue officer Giorgio Ricci chuan, "Tualchhung leh khawvel huapa kan league ṭhan zel dan tur hi kan ngaihtuah tel a ngai a ni. Inkhel pekchhuah hun piahlamah a pe chhuaktu lam thlengin thlan fimkhur a ngai a, hemi kawngah hi chuan Premier League lam hi kan pha lo hle a ni," tiin a sawi. 



Share this Post

Login to comment
No Comments