Manipur: Sum harsatna vangin IMC thla ruk chhung suspend

Manipur Governor chuan thla ruk chhung atan Imphal Municipal Corporation (IMC) chu suspend a nih thu a puang a, Thawhṭanni aṭang khan suspension hi hman 

ṭan nghal tur a ni, a ti bawk.

IMC hian sum lamah harsatna an tawk nasa hle nia sawi a ni a, hemi bakah hian corporation hian an thuneihna an hmang dik lo hle nia puh an ni bawk. Suspension order hi Municipal Administration, Housing and Urban Development (MAHUD) chuan Go­veror aiawhin Muni­cipal Act hnuaiah a tichhuak a ni.

Thupek tihchhuahah hian sorkarin January 14-a IMC special audit inspection a neihnaa local fund audit thehluh a enfiahna chungchang tarlan a ni. Sorkar report aṭang hian MAHUD chuan July 3 khan IMC lakah hian show cause notice pechhuakin; sum lama harsatna an tawh chungchang te, inkaihhruaina dan an bawhchhiat chungchang te, a hmanna tur ni loa fund hman chungchang te chu sawifiah turin a ti.

IMC hian chhanna pe mah se MAHUD chu an chhanna dawnah hian an lawm lo a, hemi avang hian suspension order-ah pawh hian IMC chu an mawhphurhna hlen loah leh an thuneihna hmang dik lohah puh an ni ta tho a ni.

Municipal Admi­nistration, Housing and Urban Development hian IMC suspend a nih chhung hian a aiawh tur special administrator a ruat thuai rin a ni bawk. 



Share this Post

Login to comment
No Comments