AP-ah JE vei mi 11 hmuchhuak

Arunachal Pradesh-ah Japanese Encephalitis (JE) vei mi 11 hmuhchhuah a ni a, an zinga panga chu East Siang district ami an ni. 

Papum Pare district-ah JE vei mi pathum hmuh an ni a, Upper Subansiri, Kra Daadi leh Lohit-ah mi pakhat ṭheuh hmuh an ni bawk. Mahse JE vanga thi hi an la awm lo tih director of health services Dr M Lego chuan a sawi. 

Dr Lego chuan damlo thisen endik zinga JE virus an kai ngei tih finfiahte chu state chhunga damdawi-in hrang hrangah enkawl mek an ni tih a sawi. Hemirual hian JE vei hmuh an nih avangin mipui tan chiai phahna tur a awm lo tih a sawi a, department of health & family welfare chuan hri darh zel tur veng turin theihtawp an chhuah mek tih a sawi. Mipuite chu khawsik sang, taksa na leh luhai, JE veite awmdan ang chi a awm an hriat chuan health official-te hnena report thuai turin a ngen bawk. 

State sorkar chuan thil awmdan a thlithlai reng a, district tina medical officer-te pawh a ṭul dan anga hma la turin hriattir vek an ni, a ti.



Share this Post

Login to comment
No Comments