NPMHR-South-in 'Operation Bluebird' champha hmang

Naga Peoples Movement for Human Rights (NPMHR-South) chuan Thawhlehni khan Tusil Ngaonil Village Community Hall, Tahamzam (Senapati)-ah 'Operation Bluebird' champha vawi 32-na an hmang. 

He programme hi Poumai Naga Students Union, Poumai Naga Women Union, Village Authority of Oinam Hill leh Oinam Hill Youth & Students Organization-ten an hmang a, thupui atan ' The quest for Justice and Peace' tih an hmang a ni. 

NPMHR (South) convenor Joyson Mazamo chuan kum 1987-a 'Opera­tion Bluebird' neih chungchang sawi chhuakin; Assam Rifles-ten Oinam leh a chhehvel khuaa beihpui an thlak ṭuma Naga mite chunga rawng taka an chet dante a sawichhuak. Kum 1987, July 8 khan Oinam khuaa Assam Rifle outpost beih a nih vangin sipaite hian Naga mite lakah hian beihpui an thlak zui a ni. 

Mazamo chuan, "AR outpost beiha silai leh a mu rukchhuahte lakkir tuma Indian security force-ten beihpui an thlaknaah khan Oinam leh Senapati district-a thingtlang khaw 30 vel zet chu innghaisakna hmun leh tan-in ang maiah a chhuak a ni," a ti. Hmeichhiate pawh kut thlak tel an nih thu sawiin, mi 27 tihhlum an nih bakah mi za tel chu nghaisak an ni tih a sawi. Sipai kut tuarte chu an hriatreng thu leh, zahna an hlan thu a sawi bawk.



Share this Post

Login to comment
No Comments