Zirlai awm lohna school 596 a awm


Arunachal Pradesh education minister Taba Tedir chuan an state chhungah zirlai awm lohna elementary leh secondary school 596 a awm tih a sawi. 

Thawhlehni Assembly session-ah hei hi sawi chhuakin, minister chuan district hrang hranga Deputy Commissioner leh Deputy Director of school-te hnen aṭanga list an dawn aṭangin hei hi an hre thei tih a sawi. 

List hi nikum August 10 khan depart­ment chuan state cabinet-ah a thehluh tih a sawi bawk. 

Minister chuan zirlai nei lo school-te chu sorkarin a khar a, zirlai nei ṭha school-te chu thuam chak a ni thung tih a sawi a, hemi rual hian DDSE tinte hnenah an district-a school hrang hrangte enfiah nawn leh a, school function lote pawh function tir dan ngaihtuah turin a hriattir a ni, a ti.



Share this Post

Login to comment
No Comments