AP-ah ruah leh thlipui na tak a thawk

Arunachal Pradesh-ah chuan ruah leh thlipui na taka a thawh avangin harsatna an tawk nasa hle a, tui a len bawk avangin mi tam takin buaina an tawk.

Ruahsur nasa avang hian hmun ṭhenkhatah chuan tui a lian thut nia tarlan a ni a, kawngpui 

ṭhenkhat chu khar a ngai hial bawk. Mi 800 vel chuan tuilian avang hian harsatna an tawk a, mi 

ṭhenkhat chu an awmna chin hriat a ni lo tih an sawi.

Thawhṭanni tlaiah khan Arunachal-ah hian ruah leh thlipui a thawk na hle a, West Kameng District-a Nag-Mandir Tenga bula Kaspi Nala chu a tuar nasa an ni. Chin hriat loha awmte pawh hi helai hmuna mite hi an nih thu tarlan a ni.

Kaspi leh Nagmandir inkara RCC Bridge pawh tuilian hian a la a; army, paramilitary force leh disaster management-te chuan chhawmdawl hna an thawk nghal bawk.

Hetiang a nih avang hian West Kameng district thuneitute chuan Charduar road aṭanga  Balipara leh Tawang inkalpawhna kawngpui chu an khar nghal bawk a ni.

Tuilian thut hian in pali a lenchhia tih tarlan a ni a, boys hos­tel pakhat leh tlanga awm restaurant pakhat a len chhe bawk. Lirthei leh motorcycle eng emaw zat a len bawk niin an tarlang.



Share this Post

Login to comment
No Comments