Imphal-ah India-Myanmar Conference nei dawn

India Foundation, New Delhi buatsaih, India-Myanmar Confe­rence chu vawiin hian Manipur khawpui Imphal-ah neih a ni dawn a, heta tel tur Myanmar palaite chuan Pathianni khan Imphal hi an thleng fel tawh.

Conference-ah hian India-in a kalpui mek Act East Policy chungchang sawiho a ni ang.

India Foundation hian May 10, 2017-ah khan Manipur sorkar chu Act East Policy hnuaiah hian memorandum of understanding (MoU) a lo ziahpui tawh a, hemi kum vek hian Imphal-ah hian North East Development Summit a lo buatsaih tawh bawk. 

Vawiina conference neih turah hian Myanmar aiawhte hi Magway Region chief minister Dr Aung Moe Nyo chuan a ho a ni. 

Session hnihah confe­rence hi ṭhen a ni dawn a, 'Physical Connec­tivity: The Infra­structure Deficit' leh 'Connectivity: The Way Ahead' tih thupui hmang­in hun an hmang ang. 



Share this Post

Login to comment
No Comments