Manipur-ah ruihhlo Rs vbc 20 hu man

Assam Rifle leh Manipur police-ten Myanmar ramri bula hmun pahnih aṭangin kar kal ta Inrinni khan ruihhlo, cheng vaibelchhe 20 hu an man. 

Police team hian Moreh khaw bula Dalpati area-a motor tlante an dapnaah, bag lian tak tak pahnih phurtu scooter chu ding turin an ti a, mahse a tlanchhiah lui avangin ringhlelin an umzui a, an man zui a ni. Scooter-a bag pahnihah hian brown sugar, kg 9.7222 an man a, Moreh police station-ah an thil man hi hlan nghalin, scooter neitu pawh thu zawhfiah turin hruai nghal a ni bawk. 

Inrinni vek khan Assam Rifle-te chuan Tengnoupal district-ah ruihhlo, cheng vaibelchhe 1.83 hu an man bawk. Ruihhlo hi Khudangthabi check-post bulah Eeco van aṭangin an man a ni. Ruihhlo an man hi brown sugar packet 11 leh World is Yours (WIY) table 52,000 an ni. Van driver hi man nghal a ni a, Moreh police station-ah hlan a ni.



Share this Post

Login to comment
No Comments