British rock band, Coldplay chuan an album thar ber, 'Moon Music' chu Billboard 200 album chart-ah No 1 an nihpui. No 1 ni thei album panga an neihna niin, kum 10 chuang hnua chart chung bera an awm lehna a ni bawk.

'Moon Music' hian kar liam ta chhung khan US-ah equivalent album unit 120,000 neiin, an album-a hla 10 te hian on-demand official steam mtd 16.71 an nei. Album sales hi 106,000 ni bawkin, Top Album Sales-ah No 1 an ni bawk a ni. Coldplay studio album 10-na a ni a, kum 2015 hnuah opening week-ah an cheh ṭha ber ṭum a ni.

Sabrina Carpenter 'Short n' Sweet' chu No 2-ah a tla thla a, equivalent album unit 93,000 neiin, No 3-ah equivalent album unit 56,000 nei Chappel Roan 'The Rise and Fall of a Midwest Princess' a awm.

Morgan Wallen 'One Thing a Time' chu No 4-ah a la awm chhunzawm zel a, Billie Eilish 'Hit Me Hard and Soft' pawh Top 5-ah a lang a ni.