Praise on 2024 : Second Round tling mi 30 hming puang

SYNFO leh Central Kristian Thalai Pawl (CKṬP) buatsaih, Praise On (Mal zai intihsiak) 2024 neih mekah October 16, 2024 zan khan Second Round-a tling mi 30 te hming puan a ni.

Praise On 2024 Second Round hi October 24 leh 25 zanah neih a ni dawn a, Saron Veng Kohhran Hall-ah neiin, zan dar 7:30 aṭangin ṭan ṭhin a ni ang. He hunah hian contestant-te hian hla chang kimin an sa tawh dawn a, sound track hmun tur a ni ang. Second Round aṭangin intihsiak hi Hruaina Eng TV leh Synod Information YouTube channel lamah live-a pek chhuah a ni ang. Mi 30 aṭang hian Top 10 thlan chhuah a ni dawn a, October 25 zanah hian result puan nghal a ni ang.

Top 10 intihsiak hi Novembr 7 leh 8 zanah Dawrpui Kohhran Hall-ah neih a ni thung dawn a, live-a music hman a ni tawh ang. Hla pahnih ṭheuh sain, a zan khatnaah Mizo lengkhawm thluka sak chi solo hla leh, a zan hnihnaah an hla duh an thlan an sa dawn a ni. Top 10 aṭang hian Top 5 thlan chhuah leh a ni ang.