Femina Miss India 2024 Nikita Porwal

Femina Miss India 2024 thlanna Grand Finale chu October 16, 2024 zan khan Mumbai-a Famous Studios-ah neih a ni a, Madhya Pradesh state aiawhtu, Nikita Porwal chu Femina Miss India 2024 atan thlan a ni. Nakkuma Miss World thlannaah India ai a awh dawn a ni.

Kumin hi Femina Miss India thlan a nih vawi 60-na a ni a, state 29 leh union territories aiawh, constestant 30-te an in el a ni.Ṭ1st Runner-Up ah Rekha Pandey, Femina Miss India Union Territory 2024 leh 2nd Runner-Up ah Aayushi Dholakia, Femina Miss India Gujarat 2022 thlan an ni bawk.

Femina Miss India 2024 Nikita Porwal hi Maharaja Sayajirao University, Baroda-ah a zir mek a, entertainment industry lamah pawh hnuhma lo nei tawhin, play 60 chuangah a chang tawh. Phek 250-a chhah, 'Krishna Leela' play pawh a lo ziak tawh bawk. Hei bakah hian feature film lamah pawh a inlan tawh bawk a ni.