Mizoram Gixxer Club an luang chhuak dawn

Mizoram Gixxer Club chuan Mizoram khawchhak lama chanhai enkawlna hmun hrang paliah cheng nuai chuang ṭheuh an sem chhuak dawn.

October 16, 2024 zing khan Mizoram Gixxer Club hi Hnahsin Kut chhim turin Champhai an pan a, Aizawl aṭangin rider 30 chuang chhuakin, kawng lakah Suzuki Gixxer rider 30 chuangin an lo zawm belh dawn a ni. LBS Suzuki showroom, Bawngkawn-ah hun hmangin, Suzuki Motorcycle India regional manager Ashish San leh area manager Hriday San ten an telpui a, Gixxer club presdient Joseph Lalliankima'n a vai liam. Kût an chhim rual hian chanhaite enkawlna hmunah ṭanpuina hi an sem nghal dawn a ni.

Mizoram Gixxer Club hi kum 2017-a din niin, kumin kumtir khan Reiek an tlawh a, May thla khan Lengpui thlawhtheihna ṭumhmun tlawh bawkin ṭanpuina sum, Rs nuai 2 chuang an lo sem chhuak tawh bawk.