Zaninah Hnahsin Kût kharna 'Arkaiden zan' concert

Champhai Nature Conservancy buatsaihin October 3, 2024 aṭanga Champhai phai zawla Hnahsin Kût buatsaih chu zanin, October 18 zan hian khar a ni dawn ta. Mualnuamah 'Arkaiden zan' hmangin kut hi an khar tawh dawn a ni.

Programme hi tlai dar 3:30 aṭangin ṭan a ni dawn a, zan lamah Mood Station, Youngfella, K.Hminga, Triau Trackx, Chhaktiang Rimawi, Magheta Chinzah leh Rinhim x Session te an che dawn a, a pui dawn.

Hnahsin Kût hi Mizorama a ṭum khatna atana buatsaih niin, ngaihhlut a hlawh a, chhimtu pawh an ṭhahnem hle. Kut chhung hian event hrang hrang - musical event, fashion & dance show, cosplay, cycling, paragliding, kids' carnival, kiting, painting competition, photo exibition bakah traditional day te neih a ni a, food court leh stall siamin, SARAS Fairs neih a ni nghal bawk.