One Direction member Liam Payne a thi

English-Irish boy band, One Direction member Liam Payne chu October 16,2024 zan khan Buenos Aires, Argentina-a a thlenna hotel, Casa Sur Hotel chhawng thumna balcony aṭanga tlain a thi.

Liam thih chhan hi a chesual nge mahni intihlum a ni tih sawichian a la ni lo. UK Foreign Office chuan Argentina thuneitute an inbiak thu an sawi. Liam thih thu an hriatin a fan-te chu a thlenna hotel kawtah hian an pungkhawm nghal a, sunna hun hmangin bati te an chhi a ni. Kum 31 mi, Liam hian kum 2017 khan Girls Aloud star, Cheryl Tweedy lakah fapa, Bear Grey Payne a nei a ni. One Direction hi kum 2010-a The X Factor show kaltlanga din niin, member hi Liam bakah Harry Styles, Zayn Malik, Niall Horan, leh Louis Tomlinson te an ni. Kum 2016 khan band angin an kal chu chawlin, member-te hi solo in an kal zui a ni. Liam pawh hi solo lamah a hlawhtling zui hle.