Billboard 200 chart-ah Morgan Wallen 'Dangerous: The Double Album' pakhatna a ni a, Canadian album chart leh Country album chart-ah pawh pakhatna a ni bawk.
'Dangerous: The Double Album' hi Morgan Wallen studio album pahnihna a ni a, January 8-a a tlangzarh kha niin Big Loud Records leh Republic Records kaltlangin a tlangzarh a ni. He album-ah hian hla a tam hle a, disc 1-ah ringawt pawh hla 15 a dah a, disc 2-ah pawh hla 15 bawk dah lehin bonus track pahnih a dah bawk.
Ben Burgess leh Chris Stapleton-te a thawhpuina hla pahnih a awm bawk a ni. Nikum lamah khan he album-a mi hla pahnih '7 Summers' leh 'More Than My Hometown' chu single-in a lo tichhuak tawh a, Rolling Stone magzazine-in an tarlan dan chuan album unit 263.9 k lai a hmu chhuak a ni. Heta ṭanga 69.k chu album sales aṭangin a ni a, 68k chu song sales aṭanga a hmuh chhuah ni thungin a hlate hian stream maktaduai 223.4 a nei bawk.
Pahnihna Taylor Swift, pathumna Pop Smoke
Kar hmasa lama pakhatna Taylor Swift 'Evermore' chu pahnihna a ni a, album unit 52k a hmu chhuak a, Morgan Wallen nen hian an inthlau hle. Hetihlai hian Evermore hi nikum lama a tlangzarh tawh kha a ni thung.
Pathumna chu Bill-board 200 chart top 5 chhuahsan hleithei lo Pop Smoke Shoot 'For The Stars Aim For The Moon' bawk kha a ni leh.
Top 10-a lang dangte
Jazmine Sullivan 'Heaux Tales' chu palina a ni a, Lil Durk 'The Voice' chu pangna a ni bawk. The Weeknd, Ariana Grande, Luke Combs, Juice WRLD leh Megan Thee Stallion-te pawh top 10-ah hian an lang a ni.
