VLCC Femina Miss India Sephora Miss Glamourous look Lalmuansangi Varte

Lalmuansangi Varte, VLCC Femina Miss India Mizoram 2020 chu Sephora Miss Glamourous Look Sub-Contest-ah pakhatna a ni.

Nimina Sephora Miss Glamourous Look Sub-Contest result puan thleng khan online-in competition hi an kalpui a, vawiin hian top 15 result an puang dawn a, hetah hian Lalmuansangi hi a tling a nih chuan intihsiakna hmun lam a pan a ngai tawh dawn.

Muansangi hi ‘Frea-kins Miss Fashion Icon’ Sub-Contest leh Sephora Miss Glamourous Look’ Sub-Contest-ahte top 5-ah a inhlangkai ve ve a, nimin khan result puan a ni a, Sephora Miss Glamourous Look’-ah hian pakhatna a ni ta a ni.

Miss Mizoram 2020 2nd Runner Up, Champhai District Miss Lalmuan-sangi Varte hi India rama beauty pageant modeling competition lian ber Femina Miss India-a tel tur hian nikum kum tawp lamah khan inziak lutin hripui leng vangin kumdang angin inelna kalpui theih a ni lo a, chumi avang chuan audition leh inelna eng emaw zat chu online-in an nei a ni.